تم النشر فى : الاثنين، 3 فبراير 2020
الناشر : مؤسسة الوطن العربى الإعلامية - لندن ، المملكة المتحدة . WA MEDIA FOUNDATION - LONDON, UK
حوار مع بنتي - للشاعر : طه إبراهيم
حوار مع بنتي - للشاعر : طه إبراهيم
************
ايوه يا بنتي ..........
واضح جدا انك لنتي
وانك كده دلوقتي فهمتي
ان القصه مهيش الغاز
والمركون بكره هيتعاز
حتي العادي والممتاز
مهما الزمن اتغير بينا
يفضل بردو الماضي اساس
الله يرحم عهد زمان
فين ايام اللمبه الجاز
كت بتنور علي باب بيتنا
لمبه عاديه ومش بازاز
كت بتبخر سقف الدار
وبتتمايل ف البرواز
ترقص ويا عبير النسمه
علي نغمات العتبه جزاز
ممكن جدا ضؤاها يأثر
لما تحس بريحة غاز
لكن كت بتجمع عيله
قدام بيتنا القعده ملاذ
من طلعتها لنص الليل
حولين بيتنا جميع الناس
اللي يراجع واللي يذاكر
واللي يسطر ف الكراس
واللي يدور جوه طموحه
تلمح جوه ف عينه حماس
دور كده في تاريخ الناس
شوف كام واحد منهم فاز
علشان كان جوانا اراده
ايوه حقيقه مش احساس
اتعلمنا بكل بساطه
من اهالينا ومسك الفاس
اللي اتعين بقي دكتور
واللي اتوظف بقي استاذ
ايوه ده كان الجيل الاول
جيل المعدن والالماظ
اما الجيل الحالي يضحك
ناقص يمشي علي العجاز
الله يرحم زمن الهمه
وكمان زمن اللمبه الجاز
**************
.png "English"){kind=small}
.png&contenttype=png)
